夏日熱辣辣，除了食雪糕，海上鮮味都有助降溫，香港九龍貝爾特酒店 (Penta Hotel Hong Kong, Kowloon) 今個夏日為大家打造全新消暑美饌！ 由2014年7月14日至8月31日，酒店一樓餐廳潮食街「夏日海鮮自助晚餐」，每晚供應新鮮澳洲生蠔，正值秋季的澳洲生蠔最啱時令，每晚由大廚為客人即開，極致鮮味；還有雪場蟹腳、熟蝦、翡翠螺及紐西蘭青口等。 另外必食「避風塘軟殼蟹」及「秘製醬汁燒魔鬼魚」，魔鬼魚肉質嫩滑，魚骨細軟可嚼，口感特別，配合泰國特色醬汁酸中帶辣，十分惹味。 自助餐另一亮點係滋補燉湯「中式瑤柱冬瓜薏米燉水甲鴨湯」，水鴨脂肪比例低，最啱與冬瓜煲湯，味道清甜，仲有助清熱消暑。 甜品區唔少得Hagen-Dazs雪糕任食，記得配上即叫即製窩夫蘸朱古力 / 士多啤梨醬吃；還有懷舊芝麻卷等，女士們必愛！ 日期 2014 年 7 月 14 日 至 8 月 31 日 供應 地址 九龍新蒲崗六合街19號 電話 3112 8222 收費 星期一至四 成人 $418 小童 $258 星期五至日 成人 $458 小童 $288