CEC國際(759)老闆林偉駿表示，759阿信屋自行發展的網購業務將在10月開始運作，公司會在九龍灣、將軍澳、葵涌、粉嶺、屯門等多個地區設立網購的分店網絡。「劃分多個地區可以減低受交通擠塞的影響，有咩事街坊又可以落舖投訴。」 他表示，網購將主打賣柴米油鹽等傳統食品，「就好似六、七十年代你打電話嗌火水咁做法，唔洗啲阿婆抬米返屋企。」 至於今年759阿信屋的開店數量維持240間，目前已簽租分店數量已增至230間，「以後都唔再睇話要開幾多間，因為啲舖好多都大咗，淨係講數字反映唔到。」 ================================== 網購回贈現金 Order即日送到！ （資料來源：蘋果日報 15-09-2014） 從零食到食肆，從藥妝到玩具，過去一年業務推陳出新得令人嘩然。有人直言，「阿信屋老闆係咪癲咗？」 759老闆林偉駿淡定回應本報記者，「其實都唔算話亂搞，今日見到有超市乜都做埋 ，租金有時要諗辦法抵銷，我做呢啲(飲食)唔係啅頭，係相連貫，第日啲茶餐廳或者可以做啲三文治畀我啲舖頭賣，我係有諗過嘅。」 分店「局部變身」成便利店還是旗下食肆再擴充，老闆坦言未有長遠計劃，而網購業務則鐵定10月中推出，網購會有額外積賞錢，有15%回贈存於會員卡，可以於實體店當現金使用。老闆補充，其時會推出阿信屋App，以及電話落單服務，讓不諳電腦的老人家也能享免費送貨服務，「買滿300蚊就送貨，喺分店買嘢都有送貨服務，希望做到即日買即日送貨，最遲都第二朝送到。」 他透露，希望網購、電話送貨服務趨向人性化，會按排分店人手接聽電話，方便顧客表達意見「貨品有損毀等投訴，分店同事會立即知道，因為係佢間分店執上去嘅。」