炎炎夏天，Kelly一出街就成身汗，但想起海灘就心都涼埋。現在去尖沙咀都可以有親近海灘Feel啦。今個月十八日至七月五日，海港城海運大廈露天廣場將舉辦雕塑公共藝術展（見圖），展出美國超寫實雕塑藝術大師CaroleA.Feuerman震撼國際五位泳裝美女雕塑，Kelly相信無論男女睇到呢雕塑，一家雙眼吃冰淇淋，成身涼晒。 呢五個由美國超寫實雕塑藝術大師CaroleA.Feuerman創作泳裝美女雕塑，包括暢泳、徜徉水泡上休息、銀色巨球上練習瑜伽等等，而且所有雕塑都係合埋雙眼，好似好享受咁，增加大家想像空間。 主辦單位仲以日薪一萬元，招聘六位「藝術泳池救生員」職位，每日工作五個鐘，男女不拘，毋須工作經驗，毋須持有泳池救生章，但就要靚仔靚女，唔怕日曬雨淋，精通兩文三語，對藝術有興趣，同埋善於將觀賞者帶入超寫實世界，咁先夠班做到呢份工呀！