kongsolo jetso expired

和記推免費Wi-Fi 四月有得用啦!

港人手機不離手,Wi-Fi無線上網服務需求與日俱增,昨日《財政預算案》就宣佈,政府將預留五億元增加Wi-Fi熱點,一眾「低頭族」都讚好,小妹仲打聽到,原來和記電訊即將同領展合作,喺旗下商場提供免費Wi-Fi服務,方便大眾。   和記嘅朋友同Kelly講,公司會喺領展旗下一百一十四個商場提供Wi-Fi服務(圖),四月初會率先喺多個人流眾多嘅商場推出,好似赤柱商場、樂富商場同埋H.A.N.D.S等,市民每日可以喺商場內免費享用三十分鐘,預計整個計劃會喺一七年中完成,咁大家就唔使擔心會「爆數據」啦!