港鐵: 5 月 17 日生日免費搭港鐵 港鐵淨係識加價？都唔是嘅，間中都推出優惠（但其實實際減價更好），好似「開心搭．生日獎」優惠，就會每月抽出一日，作為「生日之星」優惠日。4 月幸運兒就係 4 月 27 日生日嘅香港人，而 5 月之星亦剛公布，就係 5 月 17 日喇！得獎者可獲「全日通」車票，留意要持有香港身份證市民先可以享用優惠呀！得獎者可以由車票發出日起計算，一個月內的任何一天免費無限次乘搭港鐵本地車程；另外，仲有一張 ＄50 的港鐵商場現金禮券、一張美心西餅生日蛋糕 $20 現金券，以及美心中菜 $100 晚膳優惠禮券。幸運兒可於生日月份內，憑有效香港身份證，親身到以下地點換領生日獎︰ 1）逢星期日的上午十一時至下午六時，到任何一個港鐵站的換領處（馬場站、羅湖站、落馬洲站、 機場站、博覽館站及輕鐵站除外） 2）星期一至日的上午十一時至下午六時到紅磡站旅客服務中心