kongsolo jetso expired

吉野家一周火鍋放題 今日開始不限時段

火鍋放題有三款湯底可供選擇,成人同小童分別是$138及$98。 吉野家慶祝25周年,年初開始推出Shabu Shabu火鍋放題,上半年已經喺8間分店先後推出任食任飲放題,之前每次分享個個都讚,好多人問「幾時到我附近間分店呀?」 品牌都感受到大家有幾鍾意打邊爐,今個星期再度出擊,今日起至下星期三,銅鑼灣京都廣場地庫、樂富廣場同荃灣荃發大廈分店,都會有火鍋放題! 公關姊妹仲話,收到大家嘅意見,今次放題時間唔使限定幾點開始,總之下午5點起到晚上11點半,隨時坐低就有食!睇睇今次推廣,吉野家王牌特切火鍋牛肉、鮮嫩雞腿肉同丹麥直送優質豚肉都係無限量供應;另外仲有得任食芝士竹輪等超過30款追加配料,同埋任飲6款飲品。姊妹仲話,放題期間每日限定10客極上澳洲和牛,可以揀4片$48,或者8片$88。係咪聽到都心動呢!