一年一度的工展會下月10日開鑼，又係街坊掃平貨的好時機。從來都唔自私嘅黛安就梗係有筍料益大家。每年「$1貨」最吸睛，好似中藥品牌「老字號」位元堂，今年第一日重頭戲就推$1買一両西藏野生精選粗節冬蟲夏草，每份價值$6,980。仲有$1買120包精選四季湯包，每份價值$6,390，包括淮山銀耳益胃湯、五指毛桃潤肺湯及海龍海星補腎湯等。呢兩個優惠名額各5名，先到先得！ 你可能會話問：「120個湯包點拎呀？」放心，位元堂一早考慮過呢樣嘢，所以到時會用湯券交收，唔使大家拎餐懵。 搶唔到冬蟲夏草同湯包都唔使「傷心豬」，因為首7日每日頭50名客人，可以$1購買韓國六年根高麗紅蔘蜜餞片，每盒20克，價值$88。高麗蔘素有「百草之王」，體質虛弱人士可大補元氣，黛安諗住買嚟孝敬家中長老。 筍價買紅蔘蜜餞 優惠又點止咁少呢！於工展會全期24天內，每日首120名顧客買滿$1,200產品，就免費獲贈靈芝孢子蜂膠60粒裝，等同袋400幾蚊入你袋。要搶平貨嘅「粉絲」記住mark低喇。