限時 75 折 食九龍香格里拉自助餐 自助餐控都知，依家食個「四正」嘅 Buffet 閒閒地六七百，真係好貴！終於俾我吼到呢個優惠，可以平近二百擦五星級酒店 Buffet！ 九龍香格里拉酒店 Cafe Kool 嘅 Buffet 出名豐富多嘢食，不過，價位都高企，周末要成 $668/位，加埋一都要七百幾。最近，酒店做緊個網上預訂優惠，只要上官網預訂，於特別要求欄目內填寫“FBCK23”呢個 code，就可以享用低至 7 折優惠。7 折優惠可用於星期一至五自助午餐，但晚市自助餐星期日至四都有 75 折優惠，當星期日食，折完加埋一都只係 $550 左右，平近二百！網上預訂由依家開始可以訂到 3 月 31 日，每日每時段首 100 名預訂便可享用呢個優惠。 食生蠔 + 6 個 live station 好多朋友食 buffet，生蠔係 must eat。Cafe Kool 二月正正做生蠔主題，即開新鮮生蠔係法國貨色，每日 2 款，仲有香酒烚蠔、吉列蠔、焗菠菜芝士蠔等選擇，蠔迷真係食唔停口。當然，凍海鮮 counter 中嘅龍蝦、長腳蟹都係必食 items。 酒店亦出名多 live cooking station，好似魚生壽司吧、泰式粉麵吧、意粉吧、西式燒烤、甜品等，今期仲有新菜式印度雞肉傳統卷餅、黃薑椰汁咖喱雞、慢煮牛面頰等。3 月則會做蟹主題自助餐。 Cafe Kool 地址︰尖東麼地道 64 號九龍香格里拉大酒店閣樓 電話︰2733 8753 供應時間︰12nn-2:30pm，6:30pm-10:30pm 優惠須知︰優惠只適用於每日每時段之首 100 位在網上預訂的客人，優惠由即日起至 2 月 28 日可預訂，適用於即日至 3 月 31 日之自助餐。 預訂網址︰https://goo.gl/Pj1lou 晚市自助餐收費︰星期一至四 75 折優惠 成人：HK$509.9 / 小童：HK$410.9 星期日 75 折優惠 成人：HK$551.1 / 小童：HK$427.4 星期五及六 8 折優惠 成人：HK$587.8 / 小童：HK$455.8 * 以上折扣後價格已包括 10% 服務費， 適用於 2 至 12 人訂座 條款及細則: 優惠如有更改，恕不另行通知