唔經唔覺，AEON已經開業30年，由以前既「吉之島」，後易名為「AEON」，一直都為港人嘅衣食住行提供好多貼心產品。最近聽AEON公關姊妹講，佢哋為咗慶祝30周年，3月10號開始會推出一連串推廣活動，而且好多都同「3」字有關，認真有心思，例如購物滿300蚊就可即時自動參加抽獎，幸運兒可有相當於購物金額嘅100％回贈！ 唔單止咁，AEON仲揀咗唔少貨品，以均一價30、300或者3,000蚊發售；而每月30號，只要購物滿300蚊，就可以用30蚊換購指定商品。另外，關注社區同環保嘅AEON亦會喺4月、6月同8月，分別喺唔同分店舉辦「AEON生活市集」，包羅本地農產品、本地創意及傳統手作坊、懷舊港味小食、慈善機構義賣等攤位，促進唔同嘅本地群體同大眾交流。