去香港迪士尼樂園，可以「上天下海」，除咗跟「鐵甲奇俠」飛越香港上空之外，仲可以登上懷舊天星小輪前往樂園，沿途欣賞維港景致。Kelly收到風，即日起於全線7-Eleven便利店購買包括樂園門票嘅天星海港遊套票，更可獲贈「迪士尼處處拍」優惠券，好抵玩。 　　天星海港遊嘅「世星」輪，連接樂園及尖沙咀，由市中心前往迪士尼碼頭航程約四十五分鐘，沿途可欣賞維港日夜不同景色。遊客可以選購不同套票，包括往返迪士尼碼頭嘅來回船票，另外亦可選購包括樂園門票，或樂園酒店華特餐廳精選午餐或下午茶餐嘅套票，套票價格一百六十元起。如購買包括樂園門票嘅套票，更可獲贈「迪士尼處處拍」優惠券一張，價值六十八元。