如果各位最近想換餐具，Kelly有好推介，惠康即日起推出一套八款嘅「米奇夢幻餐具系列」（圖），顧客只要購物滿一定金額，就可以收集「笑印」，換取有卡通手繪風米奇老鼠嘅餐具喇！ 　　成套餐具系列共有八款陶瓷餐具，包括上菜碗、餐碟、水杯、湯碗等等，其中最特別係設計者用卡通手繪風，喺唔同餐具上勾畫出米奇嘅局部特徵，好似圓耳仔、大眼睛、白手套等。只要儲齊成套餐具，就可以拼湊出成隻米奇啦！ 　　今日起到八月三日，到惠康幫襯滿六十蚊，就可以換取一個笑印，儲齊一定數量就可免費換領或者換購㗎喇。星期六、日消費滿三百五十蚊，仲有雙倍「笑印」㗎，大家千祈唔好錯過喇！