kongsolo jetso expired

海洋公園大派優惠益老友記

家有一老,如有一寶,海洋公園好照顧長者,除咗俾六十五歲以上長者免費入場,o依家仲推出新優惠,每位長者可以得到八張餐飲同購物嘅優惠券,鼓勵大家陪老友記一齊入園玩,享受天倫之樂﹗   海洋公園推出全新優惠,由本月二十三日至十二月三十一日,每位合資格免費入場長者,都可以喺換領免費入場券嘅時候,獲贈多八張優惠券。裏面有餐飲優惠,例如喺香港老大街買食物可享有買一送一、喺小食亭買樽裝水可獲五折、喺海龍王餐廳或冰極餐廳消費滿二百蚊會有八折;亦都有購物同玩樂嘅優惠,例如喺攤位遊戲以五十蚊玩遊戲之後,會再免費加送五十蚊、喺園內商店買毛公仔一律八折 、喺園內商店購物滿五百蚊會有八五折等。Kelly覺得啲優惠好抵好吸引啊,大家可以陪埋長者一齊去海洋公園玩,唔只着數多多,仲可以享受家庭樂啦﹗