kongsolo jetso expired

大家樂50周年 推限量經典珍藏杯

唔經唔覺大家樂已成立50年,黛安知道佢地為咗慶祝集團金禧紀念,最近請咗3個本土文青創作單位,包括「麥東記」、「飛天豬」同「奶茶通俗學」合作,設計咗1套3款「嘗樂‧半世紀」限量珍藏杯套裝,用插畫重現昔日大家樂地舖嘅紅磚牆、銅鑼灣大丸百貨嘅招牌,同埋經典一哥焗豬扒飯等。 顧客即日起喺大家樂外賣各式飲品,就有機會一睹紀念紙杯嘅風采。黛安睇到呢啲插畫,細嗰同阿爸阿媽去大家樂歎下午茶,同埋行百貨公司嘅回憶都返晒嚟。 講到慶祝成立半世紀,點少得送禮物畀粉絲。聽公關姐妹講,只要客人like咗大家樂fb專頁,同埋追蹤「cafedecoralhk」IG帳號,下個月拍攝任何一款紀念紙杯照片,上載至個人fb或IG帳戶,就有機會得到大家樂餐飲$100禮券,獎品共有100份。CLUB 100會員更加可免費憑「樂賞分」換領珍藏杯,數量有限,換完即止,詳情稍後留意http://www.club100.hk網頁公布啦。