kongsolo jetso expired

免費體驗 滙豐推高球入社區

任何有益身心嘅運動,都唔應該係高不可攀嘅,好似高爾夫球咁,就係要普及化至啱。Ray啱啱知道,滙豐保險首次舉辦「HSBC Insurance Hour」免費體驗高爾夫球活動,喺今個夏天,將活動帶入學校及社區。 佢哋今次活動係與香港高爾夫球會合作嘅,於下周二開始,與15間小學、超過1,000名學童率先試玩ShortGolf,希望小朋友可以喺有趣易學的方式下,在校內學習高爾夫球嘅基本技巧。 除了走入學校,公眾人士都可以參與。本月23日,滙豐保險會喺白石高爾夫球練習場,舉辦1小時免費嘅高球指導活動,分兩個時段進行,參加者只要年滿6歲,就有機會獲得專業教練指導。有興趣人士依家已經可以報名,電郵至golf@hkga.com或致電2504 8659就得,名額以先到先得形式分配。