kongsolo jetso expired

高鐵首發團 海洋公園專車接送享多項優惠

高鐵香港段今個星期日(23日)正式通車,港珠澳大橋亦會喺今年內啟用,以後去內地旅行就更方便!海洋公園嚟緊都會推出3款新套票,同1款半年入園2次優惠套票,一定好受歡迎。 公關姊妹話,海洋公園之前就同大灣區唔同城市嘅旅行社聯絡,舉辦高鐵團嚟海洋公園玩,包括廣州、福建、廈門等地嘅首發團,就會喺23至26號期間訪港。由內地旅行社廣之旅舉辦嘅「廣深港高鐵香港首發團」,就會喺通車當日23號,早上從廣州南站坐高鐵出發,預計大概9點29分就會到達香港,車程只需約1小時。到咗香港後,會派出專車接送到海洋公園,屆時仲會隆重其事,公園吉祥物威威同包包會出嚟迎接,再送上多款專享優惠。 姊妹話,即日起至12月底,會有兩款高鐵套票優惠,包括喺指定旅行社買高鐵車票連海洋公園門票1張,就可有120元美食套餐一份;仲推650元嘅半年入園2次套票,適用於今年10月至明年3月。同埋有420元及450元嘅海洋公園珠海免費跨境巴士套票及海洋公園港珠澳大橋免費跨境巴士套票,港珠澳大橋珠開通前2星期就可以買啦。