kongsolo jetso expired

總商會大派福利 「請客」搭電車天星小輪

Kelly好期待呢個月二十九日啊,點解?因為當天可以無拘無束咁喺港島同尖沙咀之間周圍走,任我搭電車或坐從灣仔出發嘅天星小輪,一毫子都唔使,真係多謝香港總商會喺當日舉行「全程為您」免費搭乘活動。 香港總商會想同所有香港市民分享商界嘅成果,決定第八年「請客」,喺二十九號全日乘搭天星小輪來回灣仔同尖沙咀,以及同日早上六點開始港島所有嘅電車路線,都係免費,任何人不花分文,任何人搭到夠。   Kelly提提大家,如果知道有外地朋友喺當天訪港,不妨提提佢哋試下搭呢兩個交通工具啦,就好像香港總商會主席夏雅朗咁講,天星小輪同電車已有過百年歷史啦,都係香港嘅標誌之一。   根據Kelly記憶,香港總商會喺二○一一年開始主舉呢個活動,今年係第八屆啦。再睇翻佢哋嘅資料,原來每年都有大約三十萬人次受惠,累積至今大概有二百萬人次受惠啦,真係一個好可觀嘅數字,希望之後每年都有啦。   另外,香港總商會正舉辦「十八區詩人」比賽,只要Like商會嘅facebook,然後再留言一首詩,就有機會贏得酒店或自助餐大獎了,咁等小妹努力吟番首詩先。