天際100 8歲生日啦！公關姊妹同黛安講，即日起至6月30號會有一系列嘅推廣優惠，大家要密切留意啦！ 有咩優惠咁吸引？姊妹話，點少得門票優惠，優惠期間成人可以小童價128元購買門票、身份證號碼包含「8」字嘅港人門票即刻買1送1。另外，訪客只要喺天際100 fb專頁參與「8周年Smile Up」遊戲，完成後影低相片和上載至個人fb，就可以喺1樓票務大堂領取「8周年特飲」換領券1張，活動期間每星期會免費送出70杯。 黛安覺得最吸引嘅係，天際100第一次聯同8間傳統老字號商店和文藝熱點，推出「上天落地優惠券」，只要喺付款時出示優惠券，就可以有8折優惠啦。商店包括廖孖記腐乳皇、先達商店、陳華記利器專門店、標記蔴雀、巧佳小巴用品、光輝鋼竹蒸籠廚具，以及西九文化區戲曲中心和PMQ元創方等。天際100香港觀景台總經理黃慧儀話，作為香港人嘅觀景台，天際100不斷增值自己，提升訪客嘅觀景體驗，自從舊年廣深港高鐵香港段和港珠澳大橋開通後，整體入場人次較去年同期都上升逾20%。