It's Magic！世上確實係有免費午餐的！今年巴黎迪士尼踏入20周年，除了在法國鋪天蓋地的宣傳，樂園亦大派免費入場券給遊客，不論國籍全人類適用，只要於網上簡單登記，便可於生日及期後一周內免費入場，一次過玩勻兩個園區，慳返€59/HK$600，完全零付出，只要你夾啱在巴黎過生日就得！啱啱過咗生日點算？免費入場券到2013年10月仍有效，除非咁唔好彩2月29日生日，就幫你唔到了！樂園20周年當然亦有新賣點，睡公主城堡前的人工湖移植了加州的水幕騷，配合LED燈、激光和煙火，晚上的城堡更加夢幻，唔使等巴黎鐵塔閃閃下，一樣咁浪漫。 登記免費門票網站只得法文，剛享用了優惠的Zenobee教你如何填表： 1. 稱謂：Monsieur（先生）、Madame（女士）或Mademoiselle（小姐） 2. 名字 3. 姓氏 （記住同護照相同，因取票時須核對身分） 4. 電郵 （不要填錯，因為米奇要send e-ticket給你！） 5. 出生日期 6. 出生國家 7. 出生城市 8. 登記小朋友人數（可為同行小朋友一同申請） 9. 我希望以電郵收取樂園的資訊 10. 我希望以SMS收取樂園的資訊 11. 填好！按此遞表！ 12. 不想資料用作商業用途請打勾 巴黎迪士尼樂園──生日免費票登記 •免費入場日期：生日當日及其後7天 •截止登記日期：2012年9月30日 •最後進場日期：2013年10月6日 •備註：必須攜帶身份證明文件及打印電子票入場 •登記網址：www.gratuitpourvotreanniversaire.fr/formulaire-inscription