kongsolo jetso expired

大阪掟碟減壓店 發洩你苦悶

日本咩都有,連掟碟都可開檔做一門減壓生意!早在3年前,東京秋葉原已有掟碟減壓專門店出現,可惜都已逐一關門大吉。唔怕死的野網兄弟,去年5月選址大阪難波站附近旅遊旺區,開設大阪首家減壓專門店Piat Thor,改良兼新增三大發洩法:「寫字掟碟」、「大槌碎碟」、「氣槍射玻璃」!當中最受歡迎的是「寫字掟碟」法,客人在掟碟前先用筆在碟上寫「ハラタツ(勁嬲!)」、「バカ野郎(蠢材!)」等發洩語句或「我要做到!」等自我激勵祈願,而據店長統計,最多人寫的是「名字」,仲要係「上司的名字」!不過掟碟¥105/HK$9.9一隻,愈是掟,荷包愈是縮水,壓力又回來就得不償失,勸大家不要掟得太忘形! Piat Thor(ピアットトーラー) •地址:大阪市中央區難波千日前13-6大一ビル3樓 •電話:+81-(0)6-7501-7092 •網址:www.eonet.ne.jp/~piat-thor/ •營業時間:2pm-11:15pm •交通:南海電鐵「大阪難波站」東出口步行約3分鐘