爽着數:爽嘆日式串燒 食得多平得多

A2
ngchow103
0
喜愛
0
讚賞
0
沒料
0
沒趣
0
討厭
--

內容:


喺旺角日式串燒店讚兵衛嘅串燒選擇多,近期採用大熱嘅西班牙黑毛豬作食材,爽妹自問食勻八方,但試過都忍唔住讚好。喺聖誕節前,《爽報》粉絲仲有獨家優惠,想食好嘢就唔好執輸。


爽迷獨家減$50優惠

即日起至12月23日每晚6點至10點半,拎住《爽報》報頭去旺角讚兵衛消費滿$300即減$50;食滿$600就減$100,如此類推。真係超吸引!

地址:旺角染布房街12-14A號地下B舖
電話:2392 6106




去骨豬肋條串燒 $88/2串

擁有野豬血統嘅黑毛豬肉味較濃。加少少蒜鹽就成功帶起去骨豬肋條串燒嘅濃郁肉味,燒烤後嘅香口微焦味道令人一試難忘。一客兩串只賣$88。




豬面肉串燒 $88/2串

豬面肉串燒將黑毛豬肉質結實嘅特點完全表現出嚟,加上均勻嘅脂肪,令人咬落一啲都唔覺韌,食完隨時要添食。兩串價錢同樣賣$88。




鐵板豬梅頭 $128

將肉質爽脆嘅豬梅頭放喺熱辣辣嘅鐵板上面,加埋秘製醬汁同南瓜一齊食,就會品嚐到層次豐富嘅滋味。鐵板豬梅頭價錢$128。




豬背夾心肉 $108

讚兵衛負責人話食橡果大嘅黑毛豬,唔使熟透都食得。切開燒好嘅豬背夾心,見到粉紅色嘅嫩肉令人即時流晒口水。唔止口感鬆軟,肉香仲會留喺嘴內久久不散。一客只賣$108。




燒活魚 $128

細鱗肉質結實,味道又鮮甜,特別啱燒烤處理。呢條燒活魚極受歡迎,每日好快就賣晒,係食客必點嘅菜式。每客$128。




天火聖子皇 $78/3隻

用$78就嘆到呢款天火聖子皇。三隻長約七吋嘅聖子,鮮甜味道完全保留,爽脆彈牙口感,係鍾意食海鮮人士嘅至愛。




野辣羊架 $36/件

嗜辣嘅食客唔可以錯過野辣羊架。新西蘭羊架出名冇羶味又嫩滑,適量嘅香辣味道令燒烤嘅香口效果更精彩。每件價錢只係$36。




烤雞皮 $24

睇起嚟簡單嘅烤雞皮其實用咗新鮮雞皮風乾一晚之後再製作,食落香口無比,係佐酒小食嘅最佳選擇。一客賣$24。




日本番薯仔 $14/串

天氣凍時會覺得食番薯特別暖笠笠。呢款日本番薯仔細細粒,味道又香甜,好多少女仲會當甜品咁食。每串$14咋。


分享
舉報
列印優惠
寄給朋友
收藏

相關著數優惠: