工聯會全港7間醫療服務中心，其中五間設有牙科部，共有31名西醫和5名牙醫，西醫要輪流到不同診所駐診。 工聯會診金低，牙科更較市價低逾一半，觀塘診所更是五間診所中收費最低，150元剝一隻大牙，吸引不少基層市民光顧，惟有病人反映醫生人手不足。 各牙科診所只有一名牙醫駐診，卻要應付大量病人。張玲指，診症期間，陳天山在兩間診症室兩邊走，「佢幫我打完麻醉針，就走去睇第二個病人，我喊住話痛佢都冇理，想問多句都唔得」；覆診則滾水淥腳，講兩句便完事。 記者中午到達診所，候診大堂擠滿看西醫及牙科的病人，約有50人，不時有人向護士投訴等得太久，有人稱根據預約時間到達已等候一小時，惟記者發現病人進入醫生房幾分鐘便出來。有病人坦言貪平才到工聯會看病，「醫生睇得好求其，輪唔到政府街症先睇佢頂住先」。