《太陽報》再接再厲 現金券送完又送

A2
ngchow103
0
喜愛
0
讚賞
0
沒料
0
沒趣
0
討厭
--

內容:


呢嗱,由於現金券大受讀者歡迎,《太陽報》決定添食,下周繼續送大禮。具體詳情係咁嘅,周日(四月二十八日)、 周二(四月三十日)及周四(五月二日),隨報附送三元便利店現金券,周五(五月三日)又係重錘出擊,送五元百佳超市現金券。總而言之,又係人人有份,永不落空。

唔怕唔識貨,最怕貨比貨,《太陽報》連續幾個星期送禮,連環激賞,多重優惠,讀者唔止可以享受多姿多采嘅資訊大餐,仲有現金券落袋,難怪反應熱烈,洛陽紙貴咯。正所謂,真心換真心,赤誠對赤誠,《太陽報》與讀者建立起真摯嘅情誼,你敬我一尺,我敬你一丈,你不離不棄,我再接再厲。

有人可能會問,下周送完現金券之後,跟住又點吖?問得好,太一叮再同大家講個好消息,跟住落嚟,《太陽報》將會贈送零食物語五元現金券,憑券可以喺唔同日期購物添。仲有吖,《東方日報》亦將於五月三日(周五)隨報附送六元零食物語現金券,《東方》、《太陽》雙劍合璧,齊齊送禮,讀者有福喇!

當然喇,向讀者贈送現金券只係表示一點心意,《太陽報》對讀者最好嘅回饋就係內容精益求精,版面好上加好,呢方面相信大家已有目共睹,毋須再重複,太一叮今次想介紹嘅係隨《太陽報》附送嘅《好報》。最新一期《好報》分為兩冊,內容更加豐富,其中一冊嘅封面故事係「中國癌症地圖曝光」,踢爆內地毒物無處不在,空氣有霧霾,水源受污染,泥土重金屬,食物樣樣毒,身處咁嘅環境,想唔病都幾難。唔講唔知,目前內地每年新增癌症病例三百五十萬宗,平均每分鐘就有六人確診患癌,每年因癌症死亡嘅達到二百五十萬人,簡直令人觸目驚心。《好報》深入報道,揭露真相,唔係幸災樂禍,而係恨鐵不成鋼,希望內地當局能夠正視問題,為人民生命健康着想,為整個中華民族着想,切實搞好環境保護及食物安全。一句講晒,《好報》為民請命,為讀者吶喊。

所以話,呢個世界真係好奇妙o架。你對讀者真心,讀者又對你真心,然後你又對讀者更加真心,兩者互動,關係擴大,卒之就好似螺旋上升嘅「真心龍捲風」一樣,橫掃報壇。記住喇,《太陽報》下星期送足四日大禮,明日先送三元便利店現金券,千祈唔好走寶吖!



分享
舉報
列印優惠
寄給朋友
收藏