以後搭凌晨機飛東京都無有怕！為配合航班，東京三間巴士公司 (東京空港交通株式会社、京浜急行バス株式会社、東急バス株式会社) 將推出 5 條巴士路綫深宵行駛，來往羽田機場至東京市區。於冬季時間表實行當日10月26日起試行，至 2015 年 3 月 31 日。視乎反應再決定會否繼續運行。 5 條路綫分別為東京秋葉原、池袋新宿、涉谷、品川蒲田、橫濱至羽田機場，車費 560 円至2000 円不等，比搭的士便宜得多。市區到機場首班次 3:40am-4am起，機場至市區1am起 (圖2詳列各點抵達時間)，每條路綫只開一班次，絕對要睇實時間，千萬別在機場耽誤。 以香港廉航HKExpress為例，10 月 26日後東京至香港回程航班 (UO625 06:10 - 10:45)，搭 4am 市區出發的巴士，大約4:30am到達機場Check in，時間啱啱好。 另外，HKExpress 去程航班 (UO622 19:10 - 23:55)，稍有延誤，亦可搭1am的巴士至市區，方便得多。 日期 2014 年 10 月 26 日 至 2015 年 3 月 31 日 試行