kongsolo jetso expired

天際100 身份證6字有優惠

轉眼天際100香港觀景台(天際100)踏入6周年了,Ray去過覺得個居高臨下個感覺真係幾特別。據聞佢地依家做緊慶祝6周年優惠,多個優惠去到今個月30日,適逢呢個禮拜日係一年一度父親節,都可以考慮同阿爸去下。 首先,如果香港身份證號碼包含有「6」字的香港居民,親臨天際100一樓票務大堂,出示有效香港身份證並購買正價成人標準門票乙張,即享有買一送一優惠。而如果係同父母或小朋友前去,就可以諗諗「港人6週年優惠套票」,方法係先憑有效香港身份證於全線7-ELEVEN門市以港幣174元購買「天際100港人6週年優惠套票」,套票包括成人門票乙張 (港幣168元) 及小童或長者門票乙張 (原價港幣118元,現只需港幣6元) 。於購買套票後30日內親臨天際100 一樓票務大堂,出示換票證、相關單據及其有效香港居民身份證,便可兌換即日入場門票。 另外,天際100今次仲有適用於港人的「生日免費入場」、「殘疾人士門票」及「傷健同行套票」等,優惠至明年4月底。