【親子好去處】國際培幼會「守護兒童學校」公眾展覽
10 月首個週末未諗到帶小朋友去邊度玩？各位爸爸媽媽注意啦！荃灣 D‧PARK 愉景新城即將舉行大型免費親子活動，有得玩攤位遊戲、睇小丑表演，仲有人人有獎尋寶遊戲！小朋友開心放電之餘，仲可以邊玩邊學，掌握保護自己嘅重要小知識！
小朋友每日有超過三分之一時間喺學校度過，面對近年社會非常關注嘅兒童安全問題，點樣幫小朋友揀一間有充足保護措施嘅幼稚園，絕對係家長最關心嘅事。國際培幼會（香港）將於 10 月 2 日至 4 日舉辦第二屆「守護兒童學校」公眾展覽。活動完全免費入場，展區化身為「翠綠花圃」，準備咗六大精彩體驗，絕對係今個週末寓教於樂嘅好去處！
走進「安全校園花圃」 六大精彩體驗等你探索：
- 尋找「守護種籽印章」：尋找並集齊隱藏在展區內的「守護種籽印章」，再回答簡單問題後即可參加人人有獎遊戲，有機會獲得身體彩繪體驗券、計劃限量版菲林相機、毛公仔及玩具等豐富禮品。（特別鳴謝企業夥伴贊助禮品）
- 《小小豬，有問題？》沉浸式繪本劇場：由活潑小丑現場帶領，小朋友將會走進奇妙故事世界，透過互動劇場，親自教會孩子面對危險同不適時，如何勇敢大聲說「不」！
- 教育主題攤位遊戲：由多間「守護兒童學校」精心設計嘅攤位遊戲，主打「邊玩邊學」，讓孩子喺充滿笑聲嘅氣氛下，輕鬆掌握自我保護小知識。
- 「幼兒好聲音」童聲表演：欣賞一眾幼稚園小朋友以純真歌聲躍動「閃耀綻放大舞台」，帶領大家投入無憂無慮嘅音樂世界。
- 花花閱讀閣：專為親子打造嘅舒適閱讀空間，免費提供一系列關於自我保護及兒童權利嘅精選繪本與教育資源。
- 守護兒童成果展覽：家長必看！現場可以一覽 36 間「守護兒童優質學校」點樣建構安全校園，了解學校點樣為孩子建立受保護嘅學習環境。
了解 117 間幼稚園實踐成果
隨着《強制舉報虐待兒童條例》今年生效，預防工作變得更重要。培幼會喺這兩年間已支援全港 117 間本地幼稚園完善防範機制。家長透過今次展覽，可以認識《守護兒童政策》嘅重要性，學識日後點樣幫小朋友挑選真正安全嘅學校！
【活動詳情】（費用全免！）
地點：荃灣 D‧PARK 愉景新城 L1 中庭
開放時間：
地點：荃灣 D‧PARK 愉景新城 L1 中庭
開放時間：
- 10月2日（五）：下午 1 時至晚上 7 時
- 10月3日（六）至 10月4日（日）：上午 11 時至晚上 7 時
